بنت الجيران
...............
بنت جيراننا اللي قصدنا
شغلت بالي ليل ونهار
تطلع تدخل من بـ لكونتها أو شباكها
تلاقيني أدمها واقف بـ استمرار
عشت معها حلم جميل
وذكريات فيها كثير من الأسرار
كنا شباب وعشنا مراهقة وحب جميل
بس والله ما كنش هزار
كان حب حقيقي ولسه في قلبي
كل ما أعدي في يوم على الدار
اللوم على نفسي ولا في الأيام اللي تعدي
وقول لو يرجع حبي لقلبي يوم و تطفي جويا النار
والله أنا عمري في يوم ما نسيته
ولا عمر حبي في يوم أنهار
كانت قدامي وشغله بالي
وسكنه في قلبي كـ استعمار
أنده عليها بـ غنوه جميله بتحمل شوق
القيها في ثانيه قدامي منار
أكتب كلمة شوق في جواب
أبعت هالها تسأل عنها لما قلبي يكون محتار
في ثواني ألقاها قدامي تشوفني وأنا أشوفها
يهدأ قلبي وترتاح عيني من الدوار
كان حبنا حاجه جميله لسه صغير
كان في بداية حتى ما كمل المشوار
بس القلب جواها أتغير
وكل كلامها كان بـ حوار
قلت لنفسي أنسى ما تنسي
لازم يكون في نهايته قرار
والراجل ايه إلا كرامه هي الباقيه
حتى لو حب العمر ادامه أنهار
حبي ليها كان حاجة كبيرة
لكن عقلي كان لازم يوم يختار
أما أكون حلم جميل وذكري جميله
أو أعيش على طول منهار
قررت أني أبعد عنها وأخبي مشاعري
وكمان عزلت وسبت الدار
تعبت كتير وشغلني كتير التفكير
وأسأل نفسي ليه كل ده يجرى
والأحلام في ثواني تنهار
والله مافي يوم عمري نسيتها
بس تعبت من الأفكار
عشت ليالي كتير مستني
تيجي نتعاتب تيجي تتأسف ع المشوار
ويكون بنا لقاء من تاني
يكون في منها تاني قرار
ده احنا ياقلبي كنا حبايب
ومكناش يوم لهواها زوار
لكن بأسف ع الأيام
اللي خلت قلبي ليها في يوم يحتار
هي تمادت كتير في عنادها
وأنا قلبي كان خلاص اختار
بعدي عنك مكنش بخاطري
ولا كان بخاطري أعيش محتار
بعت ودست على حبي في قلبي
لآن العيشه راح تبقى مرار
واليوم أهي .
جايا بتتمنى أكون وياها
وشيخه تجمعنا عشان
تصلحنا في حلقة زار
عايزة تفك نحس نحسها
من يوم ما مشيت وسبت الدار
وبتحلف أنها كانت غلطه
وأن بعادها ده غصب عنها
ولا في يوم حبها كان ليه هزار
بس خلاص ما قفلنا الباب
ومفيش في القلب مكان حتى للزوار
راجعي وذاكري مشواري معاكي
لما قلبي في يوم انهار
أنتِ نسيتي ياللي حنيتي
أن قلبكِ كان يوم جبار
جايا تصلحيني بكلمة وضحكة
جايا تقولي يجمعنا نهار
يالي نسيتي قلقي وتعبي
يالي نسيتي قلب أندار
خلاص ما حكمتي وحكمك ليه
كان يا قاسيه كله دمار
بقلم ..
الشاعر خالد أحمد عبد المجيد
الشهير
بـ خالد العطار
ملكيّة فكرية مسجله
حقوق النشر محفوظة
رقم الإيداع/1391 / 18 / 07 /
2019م
ليست هناك تعليقات:
إرسال تعليق