عايز أصرخ
.........
عايز أصرخ
بصوت عالي
عايز أتكلم
بس معاكِ
عايز أحكيلك
بس وقوللك
علي في بالي
عايز أبوح
عايز أقول لك
أني بحبك
بصوت مسموع
عايز أقولها
بس بسرعه
قبل ما أموت
عايز أقول لك
أن الكلمة
وقفه في صدري
تتحرك تكبر
جوه بتخنق
وأهي خلاص
وقفه في حلقي
عايزة توصل لك
حتى ان كانت
بصوت مبحوح
عندي جواب
للي بحسه
ممكن تسمعي
دقات قلبي
لما أشوفكِ
ولا أقابلكِ
وأنتِ تقولي
بتسمعي ايه
دقات قلبي
دي هي
دقة حب
أسبها تكمل
وتقول وتوصف
عني بـ الكلمة
اللي أتمنتها
تعيش جوايا
أن كان
بحلاها أو بـ عذابها
أو حتى تكون جايا
بجرح جديد
يذبح قلبي
وينتهي حبي
ويفضل ليه بكاء
ودموع وأنين
يالي دخلتِ
القلب بسرعة
اوعي تكوني
خدعتِ العين
أوعي تكوني
كدبه جديدة
أو تسلية
بــ قلب حزين
أنا لا حداوي
ولا راح أجرح
انا جوايا
وساكن قلبي
حب كبير
عايز يخرج
عايز يعرف
بس الحب
ده هو لمين
.............
عايز أصرخ
كلمات
الشاعر خالد أحمد
الشهير بـ خالد العطار
عضو أتحاد كتاب مصر
ورئيس مجلس إدارة
ملتقى الشعراء والمبدعين العرب
الجمعه 22 / 06 / 2023م
الكلمات .. ملكية فكرية مسجلة
وحقوق النشر محفوظة
إيداع رقم 4599 / 23 / 06 / 2023
........................
رابط الفيديو على اليوتيوب
https://www.youtube.com/watch?v=zZdu0zZoPE8
ليست هناك تعليقات:
إرسال تعليق